Friday, February 17, 2012

කොතනින් පටන් ගන්නද?



දිනය: 2011 සැප්තැම්බර් 30

වේලාව: උදෑසන 1000ට පමණ
"left leg age age right leg peeche peeche"

මගේ ජංගම දුරකතනය බමනය වන විට එම ඇමතුම ම්ගේ ජීවිතය මෙලෙස කණපිට පෙරලයි කියා තුන්හිතකින්වත් සිතුවේ නැත.

"පුතේ සුදු පුතා සුදුමැලි වැඩියි කියලා මිඩ්වයිෆ් කියනවා. ඩොක්ට කෙනෙක්ට පෙන්නන්න වෙනවා" නැන්දම්මා කියූ පසු මම් නැවත ගත්තේ මා ප්‍රිය බිරින්දැටයි. උන්දෑ උදේ සිට රෑ වෙනතුරු කියන " ඔයට වැඩ විතරයි ලමයෙක් ඉන්නව කියලා ගාණක් නෑ" ඇසීමෙන් පසු මා ඇයට පුතුගේ full blood count එකක් ගෙන මා එනතුරු සිටින ලෙසත් සවස මට වේලපහින් එන්න ලැබුනොත් ඩොක්ට කෙනෙක්ට පෙන්වමු කිය කිව්වෙ ඉදිරියෙන් ගොඩ ගැසී ඇති ෆයිල් ගොඩ් දෙස බලා සුසුමකුත් හෙලමින්ය. එලියේ මා හමුවීමට ඇති පෝලිමත් සමග අදනම් යන්න වෙන්නෑ යන පූර්ව නිගමනයටද මා පැමිනියෙමි.




දවස කෙමෙන් ගෙවී ගිය අතර වැඩ අතර මට පුතුගේ වැඩේට අදනම් යන්න වෙන්නෑ යන්න පසක් වෙමින් තිබුනි.

"left leg age age right leg peeche peeche"

මෙවර මා ප්‍රිය බිරින්දෑය. බැනුම් කෝටියයි සිතා විසන්දි කිරීමට සිතුනත් නැවත මොකද දන්නෑ සිතුවිල්ල එන්නට වූයෙන්දුරකතනය ඉස්සුවෙමි." අකලංක ඔයා ...... එකේ වැඩ කර කර ඉන්න ලමයයි මමයි මැරිලා ගියාට පස්සෙ එන්න"" ඇයි සුදු අම්මා මොකද?"(පාන් පෙත්තේ බටර් පොඩ්ඩක් ගාලාම කතා කලෙමි)"මොකද......? පුතාගෙ ප්ලේට්ලට් 29000යි ඉක්මනට එනවා"මාගේ පපුව නතරවීමට ආසන්න වූ අතර දනි පනි ගා දිවගොස් වැඩ ටික අහව්ර කොට 15 අනුරාධ්පුර බසයක එල්ලී ගොස් නිට්ටඹුවෙන් බැස ගන්නවිට රාත්‍රී 930ත් පසුවී තිබුණි.

ගෙදරට පැමිණ තුන්සකරියට මුදල් ගෙවනවත් සමගම සියලු විඩාවන් සමනය කරමින් දිව ආවේ මගේ නෙතයි.

"දුවන්න එපා මිදුලට" මා ප්‍රිය බිරින්දෑය ඒත් මගෙ පුංචි දඟයාට වගෙ වගක් නැත. මම අහිංසකයා වඩාගෙනම ගෙට ගොඩවුනෙමි. මේ දවස්වනවිට සුදු පුතාට කතා කිරීමට නොහැක. සියලු දේ කතා කරන්නෙ ප්‍රංශ භාෂාවෙනි."මම ගියා සිරිසදට , blood report එක ඩොක්ට පනාපිටියට පෙන්නුවා. ඩොක්ට කිව්වා වතුපිටිවල ඇඩ්මිට් වෙන්න කියලා, ඒත් මට සිරිස්දේ රිපෝර්ට් ෂුවර් නෑ, අපි හෙට ආසිරි එකෙන් ඔක්කොම බලාගෙන ඩොක්ට ඉෂානිටත් පෙන්නගෙන එමු."මා ප්‍රිය බිරින්දෑය සියල්ල තීරනය කර අවසන්ය. අපි වතුපිටිවල යමු. බයයි නේද සියල්ල එම තීරණවලින් අහෝසි වී ගිය අතර අහෝ ඒ හෙට උදා නොවුනානම්..!

ඊළඟ කොටස